الحلقة القادمة

Gone Tanning for the Summer

الشخصيات

سليمان

سليمان - بَطَل الشَنْكَبُوت، عُمرُه ١٥ سٍنة. مَلِك الدِليفِري بِبَيروت - بِجِبلَك شو ما بَدّك، إيمتا ما بَدّك، مَحَلّ ما بَدّك ,رِسمالُه وحَياتُه الموتو "الشَنْكَبُوت".

رويدا

رويدا - ١٩ سِنة . بِنِت هَربَانه مِن حَياة كِلَّها ذِلّ وكَبت، حِلمها تغنّي و تعيش حَياتها مِتل ما بَدّها! مَعقول الشارع يكون بَيتها؟

شادي

شادي هو صديق سليمان الأصلي، ماضيه أسود وغامض ومستقبلو مش كثير واضح. شادي مش بس شخصية حلوة، هو رفيق حقيقي يُعتمد عليه وفوق كل شي قلبو أبيض.

تيتا

ختيارة الضيعة، حشّورة و ذكيّة أكثر ما مبيّن عليها، ربّت يارا من هيّي وصغيرة. بتنكّت متواصل وبهضامتها بتاخد إللّي بدّها إيّاه. الدقيقة إللّي بيدعس فيها سليمان المحلّ، بتعرف دغري إنّو عندها فرصة لتحقّق حلمها من خلالو. تيتا ما بينرفضلها طلب وأهبل إللّي بيتحدّاها.

يارا

بنت بقاعية أصيلة، حلوة ، قوية، وما بتخاف من شي. تربّت وقضّت حياتها تهتم بمحلّ ستّها الصغير وتتحمّل مزاجها المتقلّب. فيها تعرف الخنازير على حقيقتها، إذا كانوا على إجرتين أو على أربعة. من أول ما تشوف سليمان، يارا بتعرف إنّو راسو شنكبوتي تمام.

فراس

حجمو بغّش، بس راسو مافيا. ماتت إمو بظروف غامضة، بدر صار مثل بيو و إمو، شغّلو معو وحمّلو فرد. فراس طموحو أكبر من صبي "تعا تعا روح روح" براسو في مخطط كبير. ببلّش يلحق سليمان ليصير مثل خيالو. هل رح يقدر سليمان يصّلح اللي خربو بدر بفراس؟ ولا تأخّر؟

عمو بدر

عمو بدر مافيا أصلي، بدّين بالفايدة، فاتح بنك عحسابو، بهرّب وببّيض أموال. وفوق هيدا عندو سلاح. بدر في يكون مصيبة فيها تحّل بأي حدن؛ خرب حياة سليمان، غسّل مخ فراس وقتل شادي. بدر في يكون خطير بالحبس أو براتو.

دوليكا

هيّ نموذج حي من المجتمع اللبناني والطريقة اللي بينظر فيها هيدا المجتمع للعامل الأجنبي. دوليكا بتشتغل ببيت، وبتتعرض للضرب اوالإضطهاد على إيد صاحبة البيت، الشغلة الوحيدة الحلوة هيي صبي صغير بيعطيها الأمل، ومونيكا قريبتها من سيريلانكا. لحسن حظ دوليكا، مونيكا بتعرف الشنكبوت؟ بس هل رح يقدر سليمان ينفّذ العملية؟

لينا

لينا بنت حلوة صحيح بس مش ألطف زبونة عند سليمان. مخباية ورا عوينات وعايشة بعالم إفتراضي بعيد أشّد البعد عن العالم الحقيقي. ما حدا في يخمّن شو في براسها، عم تعمّر صاروخ أو عم تخطط لقرصنة البنك المركزي. بس في شغلة وحدة أكيدة  عنها إنو بتملك مفتاح رئيسي لماضي سليمان الغامض.

رومل

على الرغم من ظهوره الملائكي، رومل ليس إلا إسم على مسمّى. فبينما يعيش والده على أمجاده في الحرب الأهلية اللبنانية، رومل دائما يخوض معارك مميتة مع لاعبي الكومبيوتر في بيروت.لكن كيف سيتصرف ولد الكلاشينكوف عندما يأتي وجها لوجه مع الشر المطلق المقيم في شنكبوت؟ فراس الوحشي